الا انت !!!!!!!!!!!!

موضوع: الا انت !!!!!!!!!!!! الجمعة يونيو 12, 2009 1:20 pm

الا انت
انا ابيع روحى و حياتى
و لا ابيعك انت
ارضى بجرحى واهاتى
علشان عيونك انت
كلمة حبيبى يا حبيبى
تتقال لمين غيرك انت ؟؟؟

***************

حسة باحساس غريب
احساس مالك كيانى
حبك يا حبيبى عجيب
خدنى منى ف ثوانى
ودانى لعند قلبك
عيشنى ف عالم تانى

**************

من بين كل القلوب
ندانى قلبك انت
من بين كل الدروب
اخترت طريقك انت
من بين الناس يا حبيبى
حبيتك بس انت

*************

احلم بايه يا حياة ؟
و اتمنى ايه يا زمانى ؟
كل اللى بتمناه
فى حبيبى نصى التانى
من كلمة خدنى هواه
احساسه ف لحظة ندانى

*************

كل العالم ... كل الناس ... كل الدنيا
هما انت
نور الشمس ... نور القمر ... ضى النجمة
يا حبيبى انت
حياتى ..و قلبى ... و روحى ... و عنية
بتحبك انت

**************

أضيع ازاى مادمت معاك ؟
و احلم بايه طول مانا وياك ؟
ماخلاص يا حبيبى قلبى لقاك
و عمرى دا شوية عليك

انا انسى روحى ولا عمرى انساك
انا ابيع حياتى و اشترى هواك
بحلم اكمل عمرى معاك
و اعيش حياتى بين ايديك

***************

حياتى هى انت
و روحى و عمرى انت
انا ممكن انسى نفسى
و لا عمرى انساك انت

حبيبى ايوة انت
و نور عيونى انت
انسى الحياة والدنيا
يا حبيبى الا انت

بحبك انت

سندريلا